JEHR Û JIYAN

0

 

Dilê min bi kul û birîne.
Ji qeşmer û liştokan ji rexêk.
Derewçîn û nezanan ji rexêkî din.
Reben û nekes.

Tev bihev re yek jehrêkin.
Kul û birîn can bê pergal dihêlin.
Mecal namîne di can da.
Ji ber êşekî kû tê ji gemaran.

Van tevger û êşan.
Min ji riya min dikin.
Neyaran jî dil xweş.
De rabin êdî bese.

Rabin serxwe ji xewa gemariyê.
Xwe bigirgişînin ji qeşmeriyê.
Derewên nezaniyê.
Rebenî û nekesiye.

Liştok tim birçîne.
Jehrin jîr nînin.
Êş û birînin bi ziman çewtiyê.
Hûn çi bikin bixwe dikin.

Çima hûn nizanin?
We xwe kir qeşmer.
Win têr nebûn bi gemariyê.
Birçî man bi liştokiyê.

Ez û dilê xwe man bi kul û birînan.
Êş û birînên min bûn cejna neyaran.
Çi bêjim çi bikim..?

Lixwe bibim xwedî.
Bi sonda Kurdistan î.
Dilê bi kul û birîn.
Her dem serbilind.

Bi cehd û bi xîret.
Bi bawer î.
Ezê bijîm bi serbilind î.
Neyarno ez stran im.

Nexş im ez.
Nexşa Kurdistanê.
Kurdistan a ser bi xwe.
Ez natewim û naşkim.

Kurd im ez vame li vir im.
Bi derd û kulan.
Bi êşa birînan.
Ezê hukumdaran bixulqîn im.

Stran im.
Nexş im.
Kurd im.
Serbilind im.
Vame li vir im.
Vame li vir im.
Vame li vir im.

Hüseyin Baybaşin

272total visits,1visits today

PAYLAŞ
Önceki İçerikNASNAME
Sonraki İçerikHASRET VE HAYAL