BANG

0

Çavên te yên belek dibiriqin rindê.
Şewqa çavên te weka ronahiya stêrka berbangê.
Stêrka ji welatê min dûr û dûr.
Her dem û her tim li ber çavên min.
Melûlî ne ji bo çavên tene.
Çavên te ji welat dûrin ne ji min.
Bejna te dûre ji min.
Rinda min.
Kenîna çavên te ye li ser û sûretên min.
Şewqa çavên te gihîşt nava dilê min.
Qudreta şewqa çavên te heland tevên êş û birînên dilê min.
Rindê xatirnasê, xemgînî ne ji bo te ye.
Xeşîmiye xişma te.
Serbilind be bi hebûna xwe.
Cejna dilê mine navê te û hebûna te.
Here bigere li zozanên Kurdistan ê.
Bibîne bihuşta cîhanê bi çavên xwe.
Rind û delaliya min.
Çavên xwe li çiyayê welatê min bigerîne.
Bi şewqa çavên xwe yên tebarek êş û birînên qehremanên
Li wan doran ji wan dûr bixe.
Rindê bedewê çav belekê.
Xatirnasê delalê.
Rabe ser hukmê qudreta xwe.
Nexşan çêke bi şewqa çavên xwe ji bo serxwebûna
Kurdistan ê.
Gel li hêviya te ye.
Zûzû û çiya çav li riya te ne.
Cîhan û Kurdistan guhdar û bendewarê te ne.
Çavên min li rabûn û meşa te ye.
Guhên min li hêviya dengên te ye.
Çav belekê rindê hikumdarê dema te ye rabe ser xwe.

18/11/2017

Hüseyin Baybaşin

668total visits,1visits today